Na slědach Serbow
Sorben erleben
< zurück     Station 4 /44     weiter >
Na slědach Serbow přez Budyšin
Britze-zahroda

Zady Serbskeho instituta namakaš Britze-zahrodu. Wona běše městnosć inspiracije za wuznamnu Budysku wuměłču.

Zady twarjenja Serbskeho instituta leži Britze-zahroda. Mały park załoži so jako wilowa zahroda kónc 19. lětstotka. Wila a zahroda swědčitej wo skutkowanju swójby Britze w Budyšinje, kotrež je wusko ze zhotowjenjom žonopa zwjazane. Najwuznamniše dźěćo swójby je molerka Marianne Britze. Wona bě sobuzałožerka a jednaćelka wšelakich łužiskich wuměłskich zjednoćenstwow. Zahroda słužeše jej jako městnosć nutřkowneho měra a inspiracije. Dźak słuša iniciatiwje Budyskich přećelow wuměłstwa a Budyskemu wuměłstwowemu zwjazkej, kiž stej so za zdźerženje małeho krajinoweho parka zasadźiłoj. Dźensa so w parku tež tam a sem wuměłske a kulturne zarjadowanja wotměwaja. Mehr

< zurück     Station 4 /44     weiter >