Na slědach Serbow
Sorben erleben
< zurück     Station 29 /44     weiter >
Na slědach Serbow přez Budyšin
Mikławšk

Na Mikławšku su hač do dźensnišeho rozpadanki cyrkwje swj. Mikławša widźeć. Nutřkowna přestrěń ruiny so dźensa jako pohrjebnišćo wužiwa.

Zady Mikławskeje wěže leži Mikławšk. Na nim su hač do dźensnišeho rozpadanki cyrkwje swj. Mikławša widźeć, kotraž bu w 15. lětstotku natwarjena. Boži dom so wot wěriwych města a k městu słušacym wosadam přewažnje serbskeje ludnosće wot srjedź 16. lětstotka jako parochialna cyrkej wužiwaše. W běhu Třiceći lětneje wójny bu sakralny twar dospołnje zničeny. Po tym nadeńdźe serbska katolska wosada w cyrkwi Našeje lubeje Knjenje nowy domicil. Nutřkowna přestrěń ruiny Mikławskeje cyrkwje so wot srjedź 18. lětstotka jako pohrjebnišćo wužiwa. Při rozpadankach murje zwonka kapałki su biskopja pohrjebani. Tež zasłužbne serbske wosoby namakachu na Mikławšku swój posledni wotpočink. Wosebitosć je připołoženy woborny chódnik mjez cyrkwju a měšćanskej murju. Wot tule skići so jónkrótny wid na sprjewiny doł, Židow a Hrodźiško. Mehr

< zurück     Station 29 /44     weiter >