Serbska ćišćernja
Twarjenja na Hornčerskej pokazuja na přez 450 lět trajacu tradiciju ćišćaneho słowa w Budyšinje. 2017 so tu lětstotki trajaca tradicija skónči.
Twarjenja na Hornčerskej čo. 4 pokazuja na přez 450 lět trajacu tradiciju ćišćaneho słowa w Budyšinje. W Budyšinje běše tuta ležownosć tež jako „Serbska ćišćernja“ znata. Srjedź 20. lětstotka słušeše ćišćernja mjez druhim tež do organizaciskeho wobsydstwa Domowiny, Zwjazka łužiskich Serbow. Wot lěta 1964 fungowaše zawod jako wokrjesna ćišćernja a jako najwažniše produkciske stejnišćo Ludoweho nakładnistwa Domowina. Njeličomne serbske knihi, brošury, nowiny a časopisy so na tutym městnje produkowachu. Mjez druhim so w tutym twarskim kompleksu tež wječornik „Serbske Nowiny“ ćišćeše. W lěće 2017 so tu lětstotki trajaca tradicija klasiskeho ćišća skónči. Mehr
