Ludowe nakładnistwo Domowina
Zawod je za wudaće a rozšěrjenje serbskich wobsahow wšěch žanrow zamołwity. Wotpowědnje dźensnišim potrjebam nakładuje tež nowe medije.
Hač do dźensnišeho je sydło Ludoweho nakładnistwa Domowina t.z w.r. městnosć z twarsko- a městostawizniskej hódnotu. Nakładnistwo so srjedź 20. lětstotka załoži. Hač do lěta 1990 bě ludowy zawod NDR. Pod nawodom prěnjeho direktora Měrćina Benady wuda so 2.400 titulow w němskej a serbskej rěči. Nakładnistwo wuda tež nowinu „Nowa Doba“, kotraž wuchadźa dźensa pod mjenom „Serbske Nowiny“. Wot lěta 1993 je Załožba za serbski lud jenički towaršnik towaršnosće z wobmjezowanym rukowanjom. Jako nakładnistwo je towaršnosć za wuwiće, wudaće a rozšěrjenje serbskich wobsahow wšěch žanrow zamołwita. Nimo wječornika „Serbske Nowiny“ wudawa nakładnistwo dalše nowiny a časopisy. Wotpowědujo dźensnišim potrjebam nakładuje institucija tež medije za elektroniske nastroje. Mehr
